សៀមរាប៖ នាយករដ្ឋមន្ត្រីសម្ដេចធិបតី ហ៊ុន ម៉ាណែត បានសម្រេចអនុញ្ញាតផ្ដល់ក្របខ័ណ្ឌដល់គ្រូពេទ្យជាប់កិច្ចសន្យាទាំងប្រាំបីនាក់នៅមណ្ឌលសុខភាព ប៊ុន រ៉ានី ហ៊ុនសែន រុនតាឯក ដើម្បីជាការលើកទឹកចិត្ត។
សម្ដេចធិបតីបានលើកឡើងក្នុងពេលជួបពលរដ្ឋដែលបានផ្លាស់ទីលំនៅពីតំបន់អភិរក្សអង្គរមកកាន់តំបន់រុនតាឯកនេះ នៅព្រឹកថ្ងៃសុក្រ ទី៨ ខែធ្នូ ឆ្នាំ២០២៣ ថាការសម្រេចផ្ដល់ក្របខណ្ឌនេះគឺដើម្បីជាការលើកទឹកចិត្តទៅដល់ក្រុមគ្រូពេទ្យជាប់កិច្ចសន្យាទាំងនោះដែលខិតខំមកបំពេញការងារក៏ដូចជាប្ដេជ្ញាក្នុងការព្យាបាលថែរក្សាពលរដ្ឋដែលរស់នៅក្នុងតំបន់រុនតាឯកដែលជាទីតាំងថ្មីនេះ។
ជាមួយគ្នានេះសម្ដេចសម្រេចដំឡើងកម្រិតមណ្ឌលសុខភាពនេះ ទៅជាមណ្ឌលសុខភាពកម្រិត១ បញ្ជូនពេទ្យបន្ថែមមកទៀត (៤៤នាក់) រួមជាមួយការតភ្លើងចូលទៅមណ្ឌលសុខភាពដោយឥតគិតថ្លៃផងដែរ៕
ព័ត៌មានជាច្រើនទៀតសម្រាប់អ្នក
